يا فرحة ما تمت
كتبهارباب كساب ، في 25 سبتمبر 2008 الساعة: 18:42 م
يا فرحة ما تمت خدها الغراب وطار
هذه الجملة سمعتها اليوم منذ أن وطأت قدمي أرض المستنقع ( محل عملي كما تعرفون ) ألف مرة وهي ما دفعتني لأكتب إليكم اليوم رغم الانفلونزا اللعينة لعنها الله واللي مخلياني مش شايفة قدامي بس أعمل إيه الناس بجد صعبانين عليا وبسأل دا يرضي مين والنبي
حد يجاوبني بحق دي الأيام المفترجة اللي كان نفسي أغني فيها العيد فرحة وأجمل فرحة تجمع شمل قريب وبعيد .
الحكاية يا أصدقائي بدأت من مدة لما بدأت إشاعة تتردد في الإدارة عن صرف 15 يوم مكافأة بمناسبة العيد اللي جاي متواكب مع دخول المدارس ومن قبل رمضان وحال الناس كرب بعيد عنكم .
لسة مُنى تاني يوم دخول المدارس بتقول لي جيبت بميتين جنيه كراريس وكشاكيل للعيال .
دا غير مدرس الإنجليزي اللي لما صدقوا لقيوه وأجرته 80 جنيه في الشهر وكمان بيتأمر على عدد المجموعات وبيحدد عدد الطلبة ربنا افتكره ومات ورجعوا للحوسة من جديد في البحث عن غيره ويا ترى هيطلع بكام .
المهم مشيت امبارح من الشغل تعبانة من الأنفلونزا على أمل إن الأستاذ عماد هيروح يصرف الشيك وهقبض الصبح لما أجي ويا ريتني ما جيت أنا لقيت الإدارة بتكلم نفسها والحال وحش قوي واللي يقول دا أنا عامل حسابي عليهم
واللي يقول صرفت مش عارف كام عشان خاطر دول جايين يحلوا محلهم .
والأستاذ فوزي اللي خلاص باقي له أربع أيام ويطلع معاش يضحك أول ما شافني الصبحية ويقول : إيه مش عايزة تقبضي ال 15 يوم
ومحمد فطسان على روحه من الضحك ومُنى تقولي إلحقي دول حنوا علينا وعملوهم عشرين المية
وأنا بصفو نية وجمال أقولها : يعني هيبقوا كام ( أصل أختكم مأشفرة قوي بعد ما اضطريت أشتري موبايل جديد بدل بتاعي اللي باظ ) وإذ فجأة المكتب كله يضحك ويقول لي يا فرحة ما تمت خدها الغراب وطار
إيه يا أخوانا فهموني جرى إيه ؟
أبدا بعد ما فيه ناس صرفت امبارح جم اليوم بيطالبوهم يردوا الفلوس اصل البند اللي اتصرفت عليه كان غلط مفيش بند للصرف
حقيقي مش بعرف أشتم ولو بعرف كنت قلت لفظ زبالة من اللي يستاهلوه .
بند بند إيه اسم الله عليكم ما تعدوها زي ما بتعدوا كل حاجة اشمعنا في السرقة أساتذة ولما نيجي لمصلحة الغلابة تقفوا زنهار .
دا اسمه إيه دا اللي حصل وتحت أي بند اسميه ؟
بجد يا جماعة مش عارفة أقولكم إيه ولا أقول لنفسي إيه ولا لزمايلي إيه الناس كانت فرحانة شيء يشيل الهم نقطة في بحر تسد رمق أي باب من المفتوحين ما بيتسدوا .
العيد جاي ومعاه مصاريف هم ما يتلم والمدارس لسة ما بردتش نارها
دا كفاية إن الغلا بتاع السنة دي منع الناس من عزومات رمضان بتاعة كل سنة وشوية شوية لمتنا مع بعض هتختفي
مع إن كان في عزومة حلوة قوي كانت يوم 15 رمضان عملتها دار اكتب للنشر والتوزيع للكتاب والقراء في سبق جميل وحدث يتكرر للمرة الثانية على التوالي
السنة اللي فاتت كنت ضمن المدعوين بما إني من أوائل الاكتبيين على رأي يحيي هاشم مدير الدار وكان معايا مجموعة من الكتاب اللي بجد يستحقوا الإشادة الدكتور محمد نجيب ، والعزيز جدا محمد طلعت القاص الرائع ، والشاعر الجميل دكتور الأسنان المعتبر عادل محمد ، والسيناوي الرائع صاحب ديوان السنة 13 شهر سالم الشهباني ، وشاعر شنطة وضبة ومفتاح محمد عزي الدين ، والصديق المتعب جدا مراد ماهر
أما السنة دي يا جماعة غابت الوجوه دي ما عدا سالم الشهباني ، وانضم لينا الكاتب والناقد هشام الصباحي والصحفية الجميلة علا بركات والكاتبة الرقيقة والأخت اللي حسيت إني أعرفها من سنين السنين الست وفاء شهاب الدين والمدون الشهير نيجر أحمد سعيد آخر من انضم كاتبا لطابور اكتب وغيرهم من كتاب اكتب اللي زاد عددهم بشكل كبير لحد ما وصلوا لــ 95 كاتب
ومن ضمن الموجودين بحفل الإفطار الأستاذ الكبير سي أحمد منتصر المصحح اللغوي الشهير واللي في تعليقه على البوست اللي فات طلب مني اكتب عن حفل الإفطار
وتعرفت كمان بمصمم أغلفة الدار حاتم عرفة اللي طلع قاص اكتشاف مش بس مصمم أغلفة ، والكاتب الجميل محمد الغزالي اللي نظم اللقاء كله
الحفلة كانت في وسط النيل يا بشر وآه من السلطنة اللي عملتها لي حركة المركب في المية أعتقد إن من يومها وأنا عندي برد
والأكل كان من مطعم يمني والحال كان عال العال
يوم ظريف سأحرص دوما على التواجد فيه للتعرف بشخصيات كتير من جهة وعلى فكر جديد من جهة تانية
كل سنة وإنتم طيبين
العيد السنة دي أتمنى يكون أحلى من أي عيد
قبل ما أسيبكم مع الصور محتاجة دعواتكم عندي امتحان يوم الاحد
25/9/2008
في الصورة دي أنا وعلا بركات وعلى شمالي أولادها
وفي الصورة دي دكتور محمد نجيب وبجواره سالم الشهباني وهشام الصباحي وأنا ووفاء
اللي ظهره ليكم دا حاتم عرفة وأمامه يحيي هاشم
ـــــــــــــــــــــــــــــــــــــــــــــــــــــــــ
التصنيفات : يوميات مدينتي الصغيرة | السمات:يوميات مدينتي الصغيرة
أرسل الإدراج | دوّن الإدراج
سبتمبر 25th, 2008 at 25 سبتمبر 2008 9:48 م
لا تحزن على مافي الحياة !!!
فما خلقنا فيها إلا لنمتحن ونبتلى …
حتى يرانا الله … هل نصبر ؟؟؟
لذلك …هون عليك … ولا تتكدر !!!
وتأكد بأن الفرج قريب …
فإذا اشتد سواد السحب … فعما قليل ستمطر!!!
ولا تبك على الماضي .. فيكفي أنه مضى…
فمن العبث أن تمسك نشارة الخشب …
وننشر !!!
نفعني الله واياكم للعمل بما يحبه ويرضاه،
وأعاننا رب العزة على الاخلاص لفضله والتمسك بشرعه وأداء فرائضه
وبارك الله فيكم وجزاكم الله كل خير
وادعوك لزيارة مدونتي المتواضعة ورابطها هو “http://ziyadsafi.maktoobblog.com/
سبتمبر 29th, 2008 at 29 سبتمبر 2008 9:24 ص
مقالتى ( زواج جمال مبارك من مصر باطل ))
جمال مبارك شخص عادى ليس فيه ما يميزه عن غيره وحتى ان كانت كل الظروف متاحة له بصفته ابن الرئيس وعلى الرغم من ذلك لم يستطيع ان يدخل قلوب الناس لأنة ليس منهم ولأنة ليس مهموم بمشاكلهم وهذا يؤكد انه غير قادر على ان يكون زوج صالح لمصر فهو ألان ابرز رموز الحزب الوطني والكل يعلم وهذا ليس خفاياً عن أحد ان الحزب الوطني هو الراعى الرسمي للفساد فى مصر والكل أيضا يعلم ان برحيل هذا الحزب ستسعيد مصر عافيتها .
· نقطه ومن أول السطر
· أهم عناصر الزواج ان تكون الأطراف متكفاءه ولكن فى حالتنا هذه لايوجد اى عنصر من عناصر الكفاءة فالعروسة لا تحب العريس وتهدد بالانتحار إذا تم الزواج وهذا أول شرط يبطل الزواج
· ثانياً العريس رجل ميسور الحال والعروسة لاتجد قوت يومها وهى تحت خط الفقر ومصابه بجميع الامراض التى تفقدها القدرة على ممارسة دورها كزوجة تنجب أطفالاً قادرين على الاستمرار فى الحياة وهذا يبطل الزواج أيضاً
· الزوجة عمرها ( 7) آلاف سنة كانت فيهم اجمل امرأة فى هذا الكون ولكن عندما علمت خبر زواجها من جمال مبارك تشوهت صورتها وضاعت كل قوتها وانتشر في جسدها الفساد والسوس بات يأكل فى عظامها ولا شفاء لها غير ان يتزوجها من يعرف قيمتها لذا فالزواج باطل
· ولكن هناك سؤال يدور فى ذهني هل لا يعلم الحزب الوطني ان غير مرغوب فيه وانه الراعى الراسمي للفساد ان كان يعلم فهذه مصيبة وان كان لا يعلم فهذه ايضا مصيبة اكبر
بقلم عامر محمود
اتمنى تعليقاتكم وارائكم تسعدنى
أكتوبر 4th, 2008 at 4 أكتوبر 2008 11:48 م
كل عام وانتم بخير أيها الأحبة
تشرفني دعوتكم الى جديد مدونتي بعنوان
وإذا ما كبرت .. ما بتصغر
كل التقدير
عبيد خلف العنزي
أكتوبر 14th, 2008 at 14 أكتوبر 2008 8:23 م
خيرها في غيرها
وتمنياتي لك بالنجاح
أكتوبر 22nd, 2008 at 22 أكتوبر 2008 8:16 ص
اخى الفاضل …. ا ختى العزيزة
وقفتنا الاحتجاجية تؤتى ثمارها
قام الزميل / خالد الصاوى بقيادة وقفتنا الاحتجاجية
*************** ( معا ضد الفساد ) ****************
يمكنكم التواصل معنا للمزيد …….
شكرا لكم دعمنا الدائم وفى انتظاركم ان شاء الله
أبريل 26th, 2009 at 26 أبريل 2009 12:30 م
ازيك يارباب عمله ايه
وحشنى كلامك جدا
انا مستنى رمضان الجاى
عاوزك تبعتييلى شغلك على
المنصورة
ش البحر
عمارة الغزالى
الدور الثالث علوى
هشام الصباحى
معلش مشغول جدا فى اكل العيش
مستنى كتبك بالبريد العادى
أبريل 27th, 2009 at 27 أبريل 2009 6:08 م
الله يسلم عمرك يا استاذنا
لسة بدري على رمضاااااااااان
على العموم ربنا يكون في العون
معدش عندي نسخ من روايتي الأولى ويحيي بك ما طبعش الطبعة التانية
إن شاء الله أبعت لحضرتك مسرودة الرواية الثانية في اقرب فرصة
بس ما تخليش أكل العيش يخليك تختفي كده حتى مقالاتك معدتش بتوصلني ع الفيس بوك
تحياتي لمرورك
شكرا جزيلا