في بحر الحكي سقطت وسقطت كل أوراقي فلم أعرف غير القص طريقا لأنسج كل رواياتي
| ► | أكتوبر 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||
فبراير 14th, 2008 كتبها رباب كساب نشر في , تخاريف,
بَرَة القطر
عارف لما فجأة تلاقي نفسك قدام القطر
تحت العجل مش متشال فوق الضهر
طبعا مُت خلاص انتهيت حملوك للقبر
زعلوا عليك يوم واتنين والتالت لحد العصر
وإن افتكروك يا حبيبي شهر راح ينسوك دهر
روحك هتزعل وهتموت يا عيني م القهر
عشت قد ما عشت قتلك يا روحي الفقر
فبراير 8th, 2008 كتبها رباب كساب نشر في , تخاريف,
اسأل روحك
يا ترى جربت تسأل نفسك إنت اتغيرت كم مرة في حياتك ؟
أمبارح كنت إيه والنهاردة بقيت إيه ؟
مش لازم بلسان فصيح تتكلم ، قول على راحتك كدة بالراحة ، إياك تفتكر نفسك في امتحان ولا أنا أبلة ماسكة لك عصاية لما تغلط بيها أضربك .
لأ مش كدة ، أنا بس عايزاك تفضفض وتقول من غير عقد ولا تهويل .
جربت يا ترى تبص حواليك و تشوف الناس اللي معاك ؟
عارفهم ولا لأ ؟
أنا عارفة إنك أكلت معاهم وشربت ويمكن كمان تكون غنيت ورقصت ، وعارفة إنك على كتف حد فيهم بكيت وصرخت ، بس تعرفهم ؟!
والله حاسة إنك تعرف بتاع التوك توك اللي بيوديك شغلك كل يوم الصبح أكتر منهم .
طيب …….. جربت تدور جواك عليك وتلاقيك ؟
ولا تبص في الدخان اللي خارج من المنقد الصُغيّر اللي أمك اتعودت تولع فيه البخور ساعة أدان الجمعة وتشوف حياتك زيه بالظبط ، حاجة كدة ماشية من غير هدى .
